RAGGA GRÖNDAL ~ home

Ragga Gröndal & Dísa Jakobs – Song for Wendy – Double release concert!

raggagrondal — Thu, 15 Dec 2011 01:20:21 +0000

Hey everyone!

I will have a double release concert with Song for Wendy in Fríkirkjan Reykjavík on Sunday. Buy tickets here:

UPPLESTRAR OG LJÚFIR TÓNAR Í CAFÉ FLÓRU – DAGSKRÁ HELGARINNAR 10.- 11. DESEMBER

raggagrondal — Thu, 08 Dec 2011 14:58:21 +0000

Aðventuhelgin 10.-11. desember verður hugguleg í Café Flóru í Grasagarðinum. Kaffihúsið og jólabasarinn eru opin frá kl. 12-18. Á laugardeginum munu prestarnir og hjónin Bjarni Karlsson og Jóna Hrönn Bolladóttir lesa upp úr nýútkominni bók sinni Af heilum hug. Ragga Gröndal syngur og kynnir nýju plötuna sína Astrocat Lullaby. Á sunnudeginum syngur kór undir stjórn Þórunnar Björnsdóttur. Og einnig les Sigríður Ásta upp úr Húsráðkveri Kitschfríðar og þenur nikkuna fyrir gesti. Ungt tónlistarfólk úr Skólahljómsveit Austurbæjar spilar báða dagana og gestum býðst að skreyta tré til styrktar Umhyggju, félagi langveikra barna.

Á torginu fyrir framan garðinn mun Flugbjörgunarsveitin í Reykjavík selja jólatré í svaka jólastemningu alla helgina frá kl. 13.00 til 17.00.

Þær verða því ljúfar stundirnar í Grasagarðinum um helgina og tilvalið að líta við í Laugardalnum, ganga um garðinn, njóta ljúffengra jólaveitinga á Café Flóru, skoða jólabasarinn og jólatrjáasöluna, hlýða á upplestra og tónlist í fallegu umhverfi og taka þátt í að skreyta Umhyggjutréð.

Nánari upplýsingar um dagskrá Café Flóru í Grasagarðinum veitir Marentza Poulsen í síma 661-7305.

www.grasagardur.is

Dagskrá

Laugardagur 10. desember
14:00 Prestarnir og hjónin Bjarni Karlsson og Jóna Hrönn Bolladóttir lesa upp úr nýútkominni bók sinni Af heilum hug
15:00 Ungt tónlistarfólk úr Skólahljómsveit Austurbæjar spila jólalög fyrir gesti.
16:00 Tónlistarkonan Ragnheiður Gröndal syngur og kynnir nýju plötuna sína Astrocat Lullaby.

Sunnudagur 11. desember
13:00 Kór undir stjórn Þórunnar Björnsdóttur syngur.
14:00 Ungt tónlistarfólk úr Skólahljómsveit Austurbæjar spila jólalög fyrir gesti.
15:00 Sigríður Ásta kynnir nýútkomna bók Húsráðakver Frú Kitschfríðar og spilar á harmonikku.

Nágrannar Grasagarðsins í jóladalnum Laugardal eru líka með skemmtilega dagskrá fyrir alla fjölskylduna á aðventunni, sjá: www.mu.is og www.skautaholl.is

Kraumur’s list announced

raggagrondal — Wed, 07 Dec 2011 14:43:23 +0000

Kraumur Music Fund has published their annual selection of 20 albums that stand out in 2011 and Astrocat Lullaby is among these 20 albums. Amazing! Here is the list:

http://mbl.is/folk/frettir/2011/12/06/20_plotur_a_urvalslista/

Jólanótt

raggagrondal — Fri, 18 Nov 2011 19:33:51 +0000

Dagurinn dimmur
það er kominn desember
en það er í lagi
því núna hef ég þig hjá mér.

Við pökkum inn gjöfunum
það eru skór í gluggunum
í ofninn steikin fer
og húsið allt ilmar því það er…

Komin jólanótt
allt er orðið hljótt
já, allt svo kyrrt og hljótt.
Já, það er komin jólanótt
einu sinni enn
já, einu sinni enn.

Bjart inn um gluggann til mín
jólastjarnan skín
allt sem ég þráði
var að vera nærri þér.

Í stofunni jólatré
það eru pakkar undir því
og börnin loks fá að sjá
hvað leynist í þeim því það er…

Komin jólanótt
allt er orðið hljótt
já, allt svo kyrrt og hljótt.
Já, það er komin jólanótt
einu sinni enn
já, einu sinni enn.

Sindra á himni stjörnur
snjókorn falla létt
Kvöldið senn liðið er
og ljúft líður jólanótt.

Í dagsins önn ég er
alltof sjaldan nálægt þér
en núna ertu hér
og sefur í örmum mér það er…

Kvölda tekur

raggagrondal — Mon, 14 Nov 2011 21:06:37 +0000

Kvölda tekur,
sest er sól,
sveimar þoka yfir dalinn.
Komið heim á kvíaból,
kýrnar, féð og smalinn.

Stína og brúðan

raggagrondal — Mon, 14 Nov 2011 21:02:35 +0000

Á kaupmanninn rétt við búðarborðið
svo brosfögur horfði Stína.
“Ég ætlaði bara að kaupa klæði
í kjól á brúðuna mína.”

“Og hvaða lit viltu, ljúfan” sagð’ann,
“á litlu brúðuna þína?”
“Já, auðvitað rauðan, já ósköp rauðan,”
með ákafa sagð’ún Stína.

Hann brosandi fór og klippti klæðið,
“hvað kostar’ða?” spurði Stína.
“Einn koss”, hann svaraði, “kostar klæðið
í kjól á brúðuna þína.”

Í búðinni glumdi við gleðihlátur
er glaðlega svaraði Stína:
“Hún mamma kemur í bæinn bráðum
og borgar skuldina mína.”

Kvæðið um litlu hjónin

raggagrondal — Mon, 14 Nov 2011 20:52:47 +0000

Við lítinn vog í litlum bæ er lítið hús, lítið hús
í leyni inn í lágum vegg er lítil mús, lítil mús.
Um litlar stofur læðast hæg og lítil hjón
því lágvaxin er litla Gunna og litli Jón.

Þau eiga lágt og lítið borð og lítinn disk, lítinn disk
og litla skeið og lítinn hníf og lítinn fisk, lítinn fisk.
Og lítið kaffi, lítið brauð og lítil grjón
og lítið borða litla Gunna og litli Jón.

Þau eiga bæði létt og lítil leyndarmál, leyndarmál
og lífið gaf þeim lítinn heila og litla sál, litla sál.
Þau miða allt sitt litla líf við lítinn bæ og lágan himin,
litla jörð og lygnan sæ.

Þau höfðu lengi litla von um lítil börn, lítil börn
sem léku sér með lítil skip við litla tjörn, litla tjörn.
En loksins sveik sú litla von þau litlu flón
og lítið elskar litla Gunna litla Jón.

Snati og Óli

raggagrondal — Mon, 14 Nov 2011 20:38:30 +0000

Heyrðu snöggvast Snati minn
snjalli vinur kæri,
heldurðu ekki hringinn þinn
ég hermannlega bæri?

Lof mér nú að leika að
látúnshálsgjörð þinni
ég skal seinna jafna það
með jólaköku minni.

Jæja þá í þetta sinn
þér er heimil ólin.
En hvenær koma kæri minn
kakan þín og jólin?

Sagan af Sigga

raggagrondal — Mon, 14 Nov 2011 20:34:34 +0000

Í loftillum svefnklefa Sigurður hraut
svo drakk hann kaffi en vildi ekki graut.
Þess vegna varð hann svo visinn og smár
og valtur og þróttlaus og fölur og grár.

Þótt hin börnin öll yrðu hraustleg og stór
þá horaðist Siggi, varð sléttur og mjór.
Úr skóla í stormi hann staulaðist heim
en stórviðri tók hann og bar út í geim.

Hann vildi ekki lýsi, hann vildi ekki mjólk
né vera í leik eins og skemmtilegt fólk
og þegar hann fór út á fönn eða svell,
flatur á nefið hann margsinnis féll.

Hann hafði ekki borðað en horast og lést
hann gat sig hvergi við jörðina fest
með snjókornum sveimaði Siggi um geim
og svo fauk hann með þeim að dyrunum heim.

Hann vildi ekki lýsi, hann vildi ekki mjólk
né vera í leik eins og skemmtilegt fólk
og þegar hann fór út á fönn eða svell,
flatur á nefið hann margsinnis féll.

Úr sjónum hann braust og í búrið hann þaut
og bað þar um lýsi og haframjölsgraut.
Hann leikur sér úti og vex nú svo vel
sá víkingur hræðist ei frostið né él.

Og nú vill hann lýsi, og nú vill hann mjólk
og vera í leik eins og skemmtilegt fólk.
Aldrei á nefið aftur hann féll,
þegar hann fór út á fönn eða svell.

Héðanífrá

raggagrondal — Mon, 14 Nov 2011 20:07:54 +0000

Fengi ég öllu ráðið
fengi ég sagt
allt sem mér býr í brjósti
samanlagt.

Eitt lítið augnablik
eitt andartak.

Fengi ég færi á því
að færa þér orð.

Nú ég veit,
nú ég skil
hvað það í rauninni er sem ég vil…

Vertu hjá mér héðanífrá
þig mun ætíð elska og þrá.

Ásýnd þín eltir mig
hvert sem ég fer
áhrifin óumflýjanleg
innra með mér.

Nú ég veit
hvað það er
ég er orðin meira en skotin í þér.

Vertu hjá mér héðanífrá
þig mun ætíð elska og þrá.
Ég vil aðeins einan þig fá
já, vertu hjá mér héðanífrá.